اجي فهم كيفاش تخدم ف IPTV وتربح الفلوس

‎تحية موصولة لجميع أعضاء المجموعة .

كلشي هاد ليامات بغا يخدم ip-tv وماعرفش منين يبدا .

ليوم جيت نشرح شنو هو iptv .

ال iptv هو واحد سيرفس تيقدم واحد الخدمة للناس تيخليهم يتفرجو فالقنوات المشفرة بحال بين ولا شاهيد ولا rmc … و ايضا الافلام المسلسلات ولا الوثائقياات إلى ما غير ذلك .

الإشتراك ديالو تيكون بواحد الثمن تا تأديه سنويا ولا 6شهر ولا شهر ولا 3 اشهر و لا حتا عامين على حساب
الميزانية ديالك .

هنا شرحنا اشناهو iptv 👆👆👆

دابا كيفاش نتا تبيع هاد الخدمة لناس ونربح منها لفلوس.

. هنا كاين 2 حلول.
‎الحل الأول : هو تكون ملم بالبرمجة و نظام الشبكات باش تقاد واحد السيرفر و زيد و زيد هادي ما تنشجعش عليها حيت معقدة شوية وخاصك رأس المال صحيح و خبرة فهاد المجال .

الحل التاني:
‎الحل : هو تخدم موزع هو انك تاتشري جملة وتاتعاود فيها لبيع بتقسيط

. يعني تدخل تاتشري 100 كونط ولا 50 ولا 10 ولا حتا 1000 على شحال ما قديتي و تاتعاود فيهم البيع . ( مثلا تقدر تشري 10 كونط ب 2000 درهم ولا 1000 ولا 800 …. كل وتمان ديالو على حساب الجودة سيرفر .
من بعد تعاود تبيعو بالتقسيط

متال :خديتي بانيل فيها 10 حسابات ب 1000 درهم يعني حساب واحد تقام ب 100 درهم جملة .
ممكن تبيعو ب 200 ولا 250 درهم بنسبة المغرب . اما فاوروبا و امريكا تايوصل تال 500 درهم على حساب جودة سيرفر و طريقة البيع ديالك.

بنسبة لارباح ديال iptv نتا وجهدك و نتا وخدمتك و
كيفاش روجتي المنتوج ديال لي هو ip-tv .

——————-

المهم دابا كلنا تانعرفو ان اي مجال فيه مميزات و
سلبيات .

نبداو بسلبيات

✋ اول حاجة واول نصيحة مني عارف منين تشري جملة:
– نصابة فهاد ضومين كتار بزاف انا من ناس لي تنصب عليهوم شحال هادي شي عامين تقريبا ، كنت تانقلب باش نشري بانيلات جملة . قلبت عليهوم ف جوجل و
فايسبوك على ناس تايبيعو جملة .

من بعت تانصيفط فلوس تايبلوكيك و ماتخد والو. او لا تايصفط ليك بانيل تادرب واحد المدة تايحدت ليك كريدت اولا. تايبدل ليك يوزر

وبلا ماتمشي ديكلاري …. حيت اصلانا نتا شاري شي حاجة لي ممنوعة و ممكن تخلق لراسك المشاكيل.

——————-

– نبداو المشكل الاعلانات
– ماتعولش على فايسبوك ادس اولا جوجل ادس .. غادي إتسد إتسد گد ما كلس . ممكن تدوزالاعلان و
يتقبل و تخدم مي عول غادي اتسد .

——————-

.طريقة دفع الى كنتي بيتي تخدم فالمغرب دنيا هانية زگي مع الكليان يصيفط ليك فلوس فالبنك و صيفط ليه الاشتراك ديالو .

——————-

مشكل دفع على برااا
المشكل كاين الى بيتي تبيع على برا.
– الى معولا تخدم iptv وتبيع على برة . خاصك ترد البال لطريقة دفع ( بايبال-سترايب – بايونير …..) الى عرفوك تاتبيع ip-tv غادي استدو ليك و غادي يمشي لك رزقك الى بقا عندهوم حاصل .

(نصيحة )- ( طريقة لي خدام بيها انا . منين تاتزگي مع لكليان ايخلصني بلاصت مايكتب iptv اولا اي حاجة تتلمح . تانگوليه كتب متلا ( ebay – cable – service – …)
خدام بهاد طريقة مدة وباقي غادية مزيان 😬

——————-

– بنسبة لناس لي لي بغاو اقادو موقع يبيعو فيه iptv – نصيحة مايديروش ديركت دفع عن طريق بايبال حيت بايبال تايشوفو البلاصة منين جاية الفلوس غادي ادخلو لسيت غادي اسدو ليك بايبال.

(نصيحة ) ( طريقة لي خدام بيها انا – كاينين مواقع تايكونو وسيط بينك و بين بايبال . هو تايتكلف بطريقة دفع و تايصيفط ليك فلوسك ديركت بايبال .
بايبال تاتعرف ان الفلوس واصلين من هاد الوسيط ماغديش تعرف اش تاتبيع نتا.
هاد المواقع متل ( sendowl- payhab..) ماشي فابور ولكن ماشي غالين .

——————-

بعض نصائح :

حاول قبل ماتشري شي بانيل سول عليها واش مزيانا و واش ماتطيحش وقيت الماتشات الكبار لي تايكون فيهوم ضغط على سيرفر .

– شري سيرفر لي فيه تيست فابور لمدة 24h – حيت تيست هو باش تاتجيب كليان عندك. تاتعطيه تيست من بعد الى خدم ليه مزيان تاتأكتيڤي ليه الاشتراك لي بغا

– نصيحة أخاوية كلنا تانعرفو ان الابي تيفي فيه قنوات للكبار (Adult) ونت لي تاتحكم واش تلقهوم لكليان ولا تحبسهوم. ماتفكرش تبيع لشي حد من الاول گوله ماكينينش فسيرفر ( كاينين لي حتا تايخلص وتتاكتيڤي له الاشتراك تايگوليك مابيتوش وتايمشي لبايبال يبغي ارد فلوسو وتايخلق ليك مشكل . والى بيتي تخدم ليه adults فكر بلا هوا تايتفزج ماعلابالوش ونتا كل دقيقة تيتفرج را تاتكتب عليك . خدم نقي باش يسهل عليك الله.

الحاجة زوينة هي انك تادير كليان فهاض ضومين الى بعتي لشي حد سيرفر مزيان عول منين غادي يساليه غادي يرجع عندك + شي تايعطي لشي كليان ممكن يجيب ليك كليان . دير نمرة واتساب خدم عليها و ماتفرتش فيها.

بنسبة لناس لي مافهموش شي حاجة . ايحطوها فتعليقات ونجاوبهوم . او ممكن تصيفط ليا خاص .
بنسبة لناس لي بغاتشري جملة وماعرفاش منين ( هاد الموقع ممكن يشري منو resiptv.com

وفالاخير انا عطيتكوم فكرة عامة على ip-tv – عارفت ماشرحتش بزاف ديال الحوايج بحال ( كيفاش تخدم iptv على كل جهاز و اش ناهية تطبيقات لي خاصني نعطي لكليان على حساب اش عندو – واش من صيغة باش نخرج الاشتراك …..)
انحاول نشرح هادشي فشي فيديو و نحطو فالمجموعة.

انا عارفت شحال من واحد خدام iptv وماباش بنادم اتزاحم معاه فهاد ضومين – هادي هي تيجارة شري جملة وبيع تقسيط . تايبقا ليك نتا الاختيار كيف غادي تبيع باش تصور الفلوس من هاد ضومين.

. تحت شعار لا لإحتكار المعلومة