. اليوم غادي ندويو على واحد الضومين فالويب لي فيه لفلوس و لكن قليل لي كيتطرق ليه و هاد الضومين هو drop servicing
شكنعنيو ب Drop Servicing ؟
بإختصار الدروب سيرڤيسينغ هوا شبيه ل دروب شوبينغ غار الفرق هنا؛ هو أننا كنبيعو خدمات بلاصت المنتوجات، يعني بطريقة ابسط كاين واحد السرفيس X كيبيعو السيد Y كتنوض نتا السيد V كتبيعو للكليان ديالك يعني كتكون وسيط مع هامش ديال الربح. للتوضيح اكثر : السيد Y كيبيع السرفيس X ب 5$، كتشد نتا السرفيس كاتحطو ب 10$ من بعد ماكايدوز ليك الكليان ديالك فلوس كتخلص مول السرفيس 5$ ديالو و كتسيفط السرفيس و كتربح نتا 5$ أو اكتر على حسب هامش الربح لي باغي نتا.
المجالات لي ممكن نخدم فيهم هاد الضومين ؟
، بالمختصر المفيد اي مجال فيه خدمات ممكن نخدم فيه كمثال؛
Web design, Smma, Sell Accounts, Copywriting, Writing Articles. Fiver, ect
مثلا فويب ديزاين اتمشي لشي سيت كيبيعو في الناس المواقع الجاهزة أو صفحات الهبوط أو كيقدو يقادوهم، كتشوف الثمن و كتزيد عليه هامش الربح ديالك و المصاريف و كاتحطو فموقع ديالك أو بلا موقع تدير ليه اشهار فشي بلاتفورم أو المجموعات و الناس تجي تشري عندك وتربح معاهم نفس هادشي اطبقو على المجالات لوخرين. شوف نتا المجال لي متمكن منو وتقد تقنع الناس يشريو عندك السيرفيس فيه و توكل على الله.
المواقع لي ممكن ندير منها Drop Serving:
اي موقع كيقدم خدمات أو ناس كيحطو فيه الخدمات ديالهم ممكن تخدم بييه و كاينين مواقع كثيرة من أهمها :
Fiver, khamasat, Upwork, ect
أساسيات المجال ؟
هاد المجال اخواني اخواتي مكيحتاج لا تكون عندك مهارة لا راس مال كيحتاج فقط تكون على دراية بالمجال لي غادي تخدم فيه و كيفاش تقدم السيرفيس للكليان و تقنعو ويلا عندك دراية بالمجال ايكون ساهل تقنعو، و دابا متحتاجش تشكا براس المال ولا المهارة ماعليك غار تخدم لينا داك الدماغ، و اللهم يسر للجميع و انتظروا منا إنشاءالله مقالات كتر فنفس المجال و الاهم عندنا هو نطحنو دولار كتر مانخسروه.
أي سؤال مرحبا نحن رهن الإشارة.
تحياتي مقال جد مفيد
كاين واحد الكورس ديال مؤنس فروانة “بست كنغ للأرباح” على الدروب سيرفيسينغ فيوديمي , ماعرفت واش موجود فالمجموعة انتاعكم ولا لا ؟
حاليا اخي ماكاين تاشي خبار علييه.
السلام شكرا لطرحك هذا الموضوع. اين يمكن ان نبيع هذه الخدمة اذا كان في موقعنا الخاص فكيف سنحصل على الزوار اذا يجب القيام بحملات اعلانية
بالنسبة لمكان بيع الخدمة فهناك اماكن و طرق كثيرة منها المجانية و الغير المجانية،بالنسبة المجانية يمكنك استغلال مجموعات فايسبوك أو تلغرام و ايضا استعمال فيديوهات في التيكتوك أو منشورات في صفحات انستغرام أو فايسبوك أو تويتر او عبر إنشاء حساب مجاني في مواقع بيع الخدمات، مثلا شراء خدمة من فايفر و بيعها في خمسات أو مكان آخر. لذلك الروابط حسب طرق عملك.
و الطرق المدفوعة ؟ شكرا
شكرا خويا على هاد المعلوة الرائعة الى قدرتي توجهنا للطرق باش نلقاو لي يشري منا هاد النوع من الخدمات
بالنسبة لطرق بيع الخدمة فهناك اماكن و طرق كثيرة منها المجانية و الغير المجانية،بالنسبة المجانية يمكنك استغلال مجموعات فايسبوك أو تلغرام و ايضا استعمال فيديوهات في التيكتوك أو منشورات في صفحات انستغرام أو فايسبوك أو تويتر او عبر إنشاء حساب مجاني في مواقع بيع الخدمات، مثلا شراء خدمة من فايفر و بيعها في خمسات أو مكان آخر. لذلك الروابط حسب طرق عملك.