علاش أدسنس تترفضك ؟

بزااف دالناس تيسولو هذا السؤال، علاش أدسنس رفضاتني ؟ و نتا ضابط امورك كاتب فوق من 15 مقال (500 كلمة) و الصفحات هوما هادوك و كولشي هو هداك، و تتلقى واحد اخر كاتب قل منك و قبلوه

أدسنس منصة اعلانية الهدف ديالها الربح، بعبارة أخرى باغا سيت غيجب ليها داك الربح، معمرك سولتي راسك علاش أدسنس كانت تتقبل لي ستور (لميطود ديال ستور) بكل بساطة حيث الاعلانات ديال المنتجات لي غالبا غيطلعو فداك ستور cpc ديالهم طالع، حيث ستور غيجي ليه كليان باغي اشري (High value traffic)، والى شاف شي اعلان عجبو و دخل ليه راه غالبا غيشري يعني ادسنس غتحقق ربح أكبر داكشي علاش كانت تتقبل لي ستور.

يعني اولا و اخيرا ادسنس الهدف ديالها هو الربح. تتقبل السيتات لي غيجيبو ليها الربح، و فأي دومين باش تربح كثر خاصك تخدم كثر يعني فالسيت ديالك خاصك تبين ليهم بلي باغي تخدم فالسيت و ماشي الهدف ديالك هير القبول، بمعنى تبقى تحط فالسيت يوميا تقريبا ماشي تكتب 20 مقال و تنشرهم فنهار و تسنى اقبلوك. حاول كل نهار تحط مقال و حاول تأرشف المقالات كاملين فووردبريس تقدر تخدم ب instant indexing قلبو عليها و فبلوجر حاول دفع لجوجل نيوز حيث الى تقبلتي المقالات غيتأرشفو دغيا.

الحاجة الثانية هي دومين كل ما كان قديم كان حسن، لي تيشري كونطات أدسنس بزااف و فاهم شويا فالدومينين غيلقى بلي غالبا دومينات باش تقبلو دوك الكونطات دومينات قدام.

كيفش دومين قديم ؟

دبا نتا شريتي دومين ف 2010 مثلا و تسلا و شريتيه عوتاني دبا راه تيتسمى قديم وخا مبقيتيش تتدير ليه تجديد كل عام، وخا تسلى من لعام لول.

دبا واش هير تشري دومين قديم و دفع لادسنس غتقبل ؟ لا خاص هاد دومين القديم يكونو فيه شي حوايج :

Domain athority او ما يصطلح ب DA (باش تشكيه دخل لجوجل كتب check spam score) خاص يكون طالع شويا و الى عندك دومين جديد تقدر تزيدو بالباك لينك هير متكترش بزااف و خاصك تجيب باك لينكات نقيين تقدر تشريهم من موقع الخدمات ولا تشيكي المنافسين ب ahref backlink و تشوف شي بلايص تيجيو منهم باك لينكات فابور (تعليقات، منتديات…)

لمهم قبل متجيب باك لينك من شي سيت تشيكيه ياكما عندو سبام سكور (SS) و تا الى غتشري دومين قديم خاصك ترد البال مع هاد لقضية و تشوف تا واش كان مقبول فادسنس امكن ليك تشوف wayback machine الى بانو ليك الاعلانات راه مقبول الى مبان ليك والو، ولا واي باك مشين متيطلع والو قلب على دومين اخر، حتا تلقى شي واحد مناسب راه عطا الله فيديوهات فيوتيوب كيفاش تلقى دومين قديم مزيان و فاش تلقاه طبق هادشي لي قلنا.

1. نتمنا نكون فيدتكم، لي مفهمش شي حاجة اسول فالتعليقات 🙏❤️